काठमाडौँ– अख्तियार दुरुपयोग अनुसन्धान आयोगले विशेष अदालत काठमाडौँको फैसलामा चित्त नबुझेको भन्दै ४ वटा मुद्दा सर्वोच्च अदालतमा पुनरावेदन गरेको छ ।
विभिन्न मितिमा विशेष अदालतले फैसला गरेका मुद्दामा चित्त नबुझेकोले ४ वटा मुद्दा सर्वोच्चमा पुनरावदेन गरिएको अख्तियारका सहायक प्रवक्ता देवीप्रसाद थपलियाले जानकारी दिए ।
प्रवक्ता थपलियाका अनुसार विशेष अदालतबाट विभिन्न मितिमा फैसला भएकामध्ये गैरकानुनी लाभ तथा हानि, सार्वजनिक सम्पत्ति हानि–नोक्सानी, राजस्व हिनामिना र गलत लिखतसम्बन्धी गरी ४ मुद्दामा आयोगको निर्णयअनुसार मंगलबार सर्वोच्च अदालतमा पुनरावेदन गरिएको हो ।
दिनेश अर्याल, दीपिका रेग्मी, डोमा शेर्पा र कृष्णकुमार नेपालविरुद्धको मुद्दामा विशेष अदालतले सफाइ दिएको थियो ।
प्रकाशित मिति: मंगलबार, फागुन २३, २०७९ १७:०३
प्रतिक्रिया दिनुहोस्
