काठमाडौँ– गायक राजेशपायल राईले प्रेमिका साङबुङ राईसँग गोप्य रुपमा विवाह गरेको खुलेको छ ।
गत मंसिर २६ गते काठमाडौँ महानगरपालिका–३१ को वडा कार्यालयमा उनीहरुले विवाह दर्ता गरेको खुलेको हो ।
विवाह दर्ता प्रमाणपत्रमा उनीहरुले गत भदौ १ गते सामाजिक परम्पराअनुसार विवाह गरेको समेत उल्लेख छ । करिब दुई महिनाअगाडि उनीहरुलाई पुत्रलाभ भएको छ । उनीहरुको विवाह दर्ता प्रमाणपत्र बुधबार सार्वजनिक भएको हो ।
राजेशपायल र साङबुङ करिब दुई वर्षदेखि गोप्य प्रेम सम्बन्धमा थिए । राजेशपायल उमेरले ४६ वर्षका भए । उनकी श्रीमती साङबुङ भने भर्खर २१ वर्षकी छन् । उनीहरुको उमेरमा २५ वर्षको विशाल अन्तर छ ।
प्रकाशित मिति: बुधबार, फागुन २४, २०७९ २१:१०
प्रतिक्रिया दिनुहोस्
