लस एन्जलस– अमेरिकामा गएको चार हप्ता यतामात्र एक लाखभन्दा पनि बढी बालबालिकालाई कोभिड– १९ को संक्रण भएको स्वास्थ्य अधिकारीहरुले जानकारी दिएका छन् ।उनीहरूका अनुसार यहाँ पछिल्लो चार हप्तायता मात्र एक लाख ६ हजार जना बालबालिका कोभिडको संक्रमणमा परेका हुन् ।
अमेरिकन एकेडेमी अफ पेडियाट्रिक्स र चिल्ड्रेन्स हस्पिटल एसोसिएसनले मङ्लबार प्रकाशन गरेको विज्ञप्तिमा सो कुराको जानकारी दिइएको छ । यहाँ कोभिडको संक्रमण सुरु भएपछि एक करोड ५५ लाख बालबालिकालाई संक्रमण भइसकेको पनि उक्त विज्ञप्तिमा जनाइएको छ ।
पछिल्लो हप्तामात्र (मार्च २ सम्म) यहाँका १९ हजार बालबालिकालाई कोभिड संक्रमण भएको थियो । यसअघिका हप्ताहरूमा कम्तीमा पनि २५ हजार बालबालिका कोभिडको संक्रमणमा परेको बताइएको छ ।
अमेरिकामा पछिल्लो समय कोभिडको संक्रमण दर घटेको बताइएको भए पनि बालबालिकामा भने संक्रमण भइरहेको बताइएको छ । त्यसैले यहाँका चिकित्सकहरूले कोभिडबाट संक्रमति भएकाहरुको उमेर अनुसारको तथ्यांक लिनुपर्ने आवश्यकता रहेको बताएका छन् ।
