काठमाडौँ –१४ वर्षदेखि सञ्चालनमा आएको टीभी फिल्मीको नाम परिवर्तन भएको छ । टिभी फिल्मीको नाम अब नारी टीभी भएको छ ।
१४ वर्षदेखि नेपाली सिने जगतको सेवा गरेको र परिस्थिति फेरिँदै गएको अवस्थामा अहिले नाम परिवर्तन गर्ने निर्णय भएको कम्पनीले जनाएको छ ।
‘टीभी फिल्मीमार्फत् हामीले १४ वर्ष नेपाली सिनेमा जगतको सेवा ग¥यौँ,’ जारी विज्ञप्तिमा भनिएको छ, ‘परिस्थिति फेरिँदै जाँदा करिब २ वर्षजति सिनेमाहरु नै चलेनन् । त्यसको प्रत्यक्ष असर हाम्रो च्यानललाई पनि प¥यो । कुनै समय थियो जति बेला टीभी फिल्मी नेपाल सिनेमा कलाकार, प्राविधिक र वितरहकरुको एकमात्रै साझा मञ्च थियो ।’
‘अब हामी हाम्रो च्यानललाई नेपाली नारीहरुमा समर्पित गर्न चाहन्छौँ,’ जारी विज्ञप्तिमा भनिएको छ, ‘टीभी फिल्मी अब छिट्टै नारी टीभी बनेर आउनेछ ।’
नारी टीभीमा प्रस्तुत हुने कार्यक्रम, विषय, मुद्दाहरु अधिकांश नारीहरु मै केन्द्रित रहने छन् । महिलाका मुद्दा, महिला सशक्तिकरण, साना तथा घरेलु महिला उद्यमीलाई सघाउने, महिला हिंसाका विरुद्ध खडा हुने। छोरीहरुलाई सवल सक्षम बनाउने र सबल सक्षम छोरीहरुका प्रेरणादायी कथाहरु देखाउनेलगायत कार्यक्रम यस च्यानलमा प्रशारण गरिने छ ।
