काठमाडौँ– नेपाली कांग्रेसका महामन्त्री गगन थापाले नेकपा ९एमाले० सँग २०८४ को आमनिर्वाचनअघि सत्ता सहकार्य हुने सम्भावना नरहेको बताएका छन् ।
बिहीबार राष्ट्रपति निर्वाचनमा मत हालेर बाहिरिने क्रममामहामन्त्री थापाले २०८४ को चुनावपछि एमाले प्रतिपक्षमा बस्ने र त्यसबेला आफूहरूले सत्तापक्षका रूपमा एमालेसँग सहकार्यको प्रस्ताव राख्ने बताएका हुन् ।
सञ्चारकर्मीले सोधेको प्रश्नको जबाफ दिँदै थापाले भने, ‘कांग्रेस–एमाले सहकार्य २०८४ पछि हुन सक्ला । त्योअघि माफ गर्नुहोला ।’
उनले कांग्रेसलाई अवमूल्यन नगर्न पनि ओलीलाई आग्रह गरे । ‘पटक–पटक झुक्याउन सकिँदैन । हामीलाई यति अवमूल्यन नगर्न आग्रह गर्दछु’, उनले भने ।
उनले अहिलेलाई प्रमुख प्रतिपक्षी दलको नेता भेट्न आफूहरू बालकोट जान सक्ने बताए ।
यसअघि राष्ट्रपतिको मतदान गरेपछि एमाले अध्यक्ष ओलीले कांग्रेससँग एमालेको सहकार्य हुन सक्ने बताएका थिए ।
‘राजनीतिमा जे पनि सम्भव छ भन्छन् नि, त्यही हो । एक ठाउँमा नआउने भनेर कसम खाएको छैन’, उनले भनेका थिए ।
