जनकपुरधाम– जनता समाजवादी पार्टी नेपाल (जसपा) ले उपराष्ट्रपतिको उम्मेदवार रामसहाय प्रसाद यादवलाई बनाउने भएको छ । यादव बारा–२ बाट प्रत्यक्ष निर्वाचित सांसद हुन ।
बिहीबार बसेको पार्टीको बैठकले यादवलाई उपराष्ट्रपतिको उम्मेदवार बनाउने निर्णय गरेको छ । राष्ट्रपतिको निर्वाचनमा बनेको ८ दलीय गठबन्धनमा उपराष्ट्रपति जसपालाई दिने सहमति भएको छ ।
पार्टीको स्थापनाकालदेखि लागेका यादव पार्टी अध्यक्ष उपेन्द्र यादवका नजिक मानिन्छन । पार्टी बवभाजित हुँदा पनि अध्यक्ष यादवलाई साथ दिएका रामसहाय यादव अहिले पनि अध्यक्ष यादवलाई संसदमा पु¥याउन उपराष्टपतिको पद स्वीकार गरेका छन् । पार्टीको संसदीय दलको नेता समेत रहेका रामसहाय यादव उपराष्टपतिमा निर्वाचित भएपछि बारा–२ को प्रतिनिधि सभा पद खाली हुने र उक्त सिटमा पार्टी अध्यक्ष यादवले निर्वाचन लड्ने संकेत एक केन्द्रीय सदस्यले गरेका छन्।
अध्यक्ष यादव मंसिर ४ को निर्वाचनम सप्तरी–२ बाट पराजित भएका थिए ।
उपराष्ट्रपतिको चुनाव चैत ३ गतेको लागि तोकिएको छ ।
उपराष्ट्रपति निर्वाचनको लागि फागुन २७ गते शनिबार उम्मेदवारी दर्ताको कार्यक्रम छ ।
जसपाको उम्मेदवार उपराष्ट्रपतिमा निर्विरोध निर्वाचित हुने सम्भावना पनि उत्तिकै छ ।
नेकपा एमालेले उपराष्ट्रपतिमा उम्मेदवार नदिएको अवस्थामा जसपाको उम्मेदवार निर्विरोध निर्वाचित हुने सम्भावना छ ।
