काठमाडौँ– प्रतिनिधिसभाका सभामुख देवराज घिमिरे आज बहराइन जाँदैछन् ।
सभामुख घिमिरे ६ दिनका लागि बहराइन जान लागेको संघीय संसद् सचिवालयका सहप्रवक्ता दशरथ धमलाले बताए ।
फागुन २७ देखि चैत २ गतेसम्म आयोजना हुने अन्तर व्यवस्थापिका संघको १४६ औँ बैठकमा भाग लिन सभाभुख घिमिरे बहराइन जान लागेका हुन् । सभामुखमा निर्वाचित भएपछि उनको यो पहिलो विदेश भ्रमण हो ।
नौ सदस्यीय नेपाली प्रतिनिधिमण्डल टोलीको नेतृत्व गर्दै आज शुक्रबार सभामुख बहराइन जान लागेको बताइएको छ ।
सभामुख घिमिरेले नेपालको तर्फबाट सो बैठकमा सम्बोधन गर्ने कार्यक्रम तय भएको सहप्रवक्ता धमलाले बताए ।
प्रकाशित मिति: शुक्रबार, फागुन २६, २०७९ ०९:३६
प्रतिक्रिया दिनुहोस्
