कुश्मा– पर्वतको फलेवास नगरपालिका–९ का वडाध्यक्ष हितमान गुरुङले आफूले पाउने तलब सुविधाको सम्पूर्ण रकम स्थानीयलाई वितरण गरेका छन् ।
गत स्थानीय चुनावमा वडाध्यक्ष जितेपछि राज्यबाट पाउने सेवा सुविधा गरिब, असहाय, अशक्त र निम्न वर्गलाई उपलब्ध गराउने प्रतिबद्धताअनुसार बिहीबार वडाध्यक्ष गुरुङले रकम हस्तान्तरण गरे ।
उनले तलबबापतको १ लाख २४ हजार रुपैयाँ दीर्घरोगी र निम्न वर्गका २२ जनालाई न्यूनतम ३ हजारदेखि १० हजारसम्म वितरण गरे ।
‘मैले यसअघि गरेको प्रतिबद्धताअनुसार मेरो सबै तलब वडाबासीमा खर्च गर्नेछु,’ उनले भने, ‘अबका दिनमा पनि राज्यबाट पाउने सबैखाले सुविधा वडाकै हितमा खर्च गर्नेछु ।’
प्रकाशित मिति: शुक्रबार, फागुन २६, २०७९ १४:२६
प्रतिक्रिया दिनुहोस्
