काठमाडौँ –शहीद स्मारक ‘ए’ डिभिजन लिगमा चर्च ब्वाइज युनाईटेडले लगातार तेस्रो जित निकालेको छ ।
लिग अन्तर्गत शुक्रबार दशरथ रंगशालामा भएको खेलमा चर्च ब्वाइजले हिमालयन शेर्पा क्लबलाई १–० ले हराएको छ ।
चर्च ब्वाइजका लागि आशिष चौधरीले खेलको २० औं मिनेटमा गरेको गोल नै चर्च ब्वाइजलाई ३ अंक दिलाउन निर्णायक बन्यो ।
लगातार तेस्रो जितपछि ९ अंक जोडेर चर्च ब्वाइज शीर्ष स्थानमा छ ।
हिमालयन शेर्पाको यो पहिलो हार हो । पहिलो खेलमा मनाङसँग बराबरी खेलेको हिमालयनले दोस्रो खेलमा नेपाल पुलिसलाई पराजित गरेको थियो ।
प्रकाशित मिति: शुक्रबार, फागुन २६, २०७९ २०:२९
प्रतिक्रिया दिनुहोस्
