काठमाडौँ –जनता समाजवादी पार्टी(जसपा) का संसदीय दलका नेता रामसहाय प्रसाद यादवले उपराष्ट्रपतिमा उम्मेदवारी दर्ता गरेका छन् । उनी सत्ता साझेदार १० दलीय गठबन्धनको समर्थनमा उम्मेदवारी दर्ता गराएका हुन् ।
उनको प्रस्तावकमा जसपाका अशोक कुमार राई, प्रदीप यादव, नेकपा माओवादी केन्द्रका शक्ति बस्नेत, नेकपा (एकीकृत समाजवादी पार्टी)का किसान श्रेष्ठ र कांग्रेसका रमेशजंग रायमाझी छन् ।
त्यसैगरी समर्थकमा रेखा यादव, अम्बिका काफ्ले, प्रकाश ज्वाला, खिमलाल देवकोटा र भानुभक्त जोशी छन् ।
निर्वाचन आयोगले महिला उम्मेदवार हुनुपर्ने अडान लिए पनि पुरुषको उम्मेदवारी दर्ता भएको हो ।
प्रकाशित मिति: शनिबार, फागुन २७, २०७९ १३:३४
प्रतिक्रिया दिनुहोस्
