काठमाडौँ– साताको पहिलो दिन आइतबार सेयर बजार घटेको छ । पुँजी बजार मापक नेप्से परिसूचक २६ अंकभन्दा बढीले घटेको हो ।
नेपाल स्टक एक्सचेन्ज(नेप्से)का अनुसार बिहीबार परिसूचक २६.८० अंकले घटेर १९७५.८९ विन्दुमा कारोबार बन्द भएको छ ।
आइतबार १.३४ प्रतिशतले घटेको सेयर बजारमा ४७ लाख ७२ हजार १४० कित्ता सेयर किनबेच भएको छ । जसबाट १ अर्ब ६६ करोड ६९ लाख रुपैयाँको सेयर कारोबार भएको छ ।
आजको कारोबारमा १८६ कम्पनीको सेयर मूल्य घटेको छ भने २६ कम्पनीको सेयर मूल्य बढेको छ । ६ वटा कम्पनीको मूल्यमा भने कुनै परिवर्तन नभएको नेप्सेले जानकारी दिएको छ ।
सेयर बजार घटे पनि शिवम् पावर लिमिटेड, नबिल डिवेन्चर र युनिक नेपाल लघुवित्तले भने नाफा कमाएका छन् ।
यस्तै, एउटा कम्पनीको सेयर मूल्य भने ६ प्रतिशतभन्दा बढीले घटेको छ । नेप्सेका अनुसार गुडविल फाइनान्स लिमिटेड ६.५५ प्रतिशतले मूल्य घटेको हो ।
आज शिवम् पावर लिमिटेडको सबैभन्दा बढी कारोबार भएको छ । कम्पनीको ८ करोड २१ लाख ५८ हजार रुपैँया बराबरको सेयर कारोबार भएको छ ।
नेपाल इन्स्फ्रास्टक्चर बैंक लिमिटेडको सबैभन्दा बढी कित्ता सेयर किनबेच भएको छ । उक्त कम्पनीको १ लाख ८३ हजार २११ कित्ता सेयर कारोबार भएको छ । सबैभन्दा धेरै सुपर मादी हाइड्रोपावर लिमिटेडको ३०९५ पटक कारोबार भएको छ ।
