काठमाडौं –आईसीसी विश्व क्रिकेट लिग २ अन्तर्गत त्रिकोणात्मक सिरिजमा नेपालले सोमबार पपुवा न्युगिनी (पीएनजी)सँग खेल्दैछ । नेपाल र पीएनजीबीचको खेल नेपाली समय अनुसार विहान साढे ९ बजे सुरु हुनेछ ।
नेपाल आफ्नो अपराजित यात्रा कायमै राख्न चाहन्छ । पछिल्ला १० खेलमा नेपालले ९ वटामा जित हासिल गरेको छ । सोमबारको खेलमा पनि जित निकाल्दै विश्वकप क्वालिफायर खेल्ने सम्भावना कायमै राख्न चाहन्छ ।
लिग २ को अन्तिम सिरिजको पहिलो खेलमा नेपालले पीएनजीलाई ५२ रनले हराएको थियो । आइतबार भएको खेलमा नेपालले यूएईविरुद्ध १७७ रनको जित निकाल्दै एकदिवसीय मान्यता जोगाएको थियो ।
नेपाल ३४ खेलबाट ३६ अंक सहित तालिकाको चौथो स्थानमा उक्लिएको छ । अबका दुई खेल जिते नेपाल शीर्ष तीनमा रहँदै सिधै एकदिवशीय विश्वकपको ग्लोबल छनोट खेल्नेछ ।
प्रकाशित मिति: सोमबार, फागुन २९, २०७९ ०६:५३
प्रतिक्रिया दिनुहोस्
