अग्रता जोगाउन नसक्दा साविक विजेता मिलान घरेलु मैदानमै तुलनात्मक कमजोर प्रतिद्वन्द्वीसँग बराबरीमा रोकियो
काठमाडौँ– अग्रता जोगाउन नसक्दा एसी मिलान घरेलु मैदानमै तुलनात्मक सानो क्लबसँग बराबरीमा रोकिएको छ ।
इटालियन सिरी ‘ए’ फुटबलमा साविक विजेता मिलान गएराति सालेरनिटानासँग १–१ गोलको बराबरीमा रोकिएको हो ।
पहिलो हाफको इन्जुरी समयमा ओलिभियर जिरुडले गोल गर्दै घरेलु टोली मिलानलाई सुरुवाती अग्रता दिलाएका थिए ।
तर, मिलानले अग्रता जोगाउन सकेन । खेलको ६१ औँ मिनेटमा बोउलाए डियाले गोल गर्दै सालेरनिटानालाई १–१ गोलको बराबरीमा ल्याए ।
चौथो स्थानको रहको मिलानले यस बराबरीसँगै २६ खेलमा ४८ अंक जोडेको छ ।
सालेरनिटाना समान खेलमा २६ अंक जोडेर १६ औँ स्थानमा रहेको छ ।
प्रकाशित मिति: मंगलबार, फागुन ३०, २०७९ ०८:४५
प्रतिक्रिया दिनुहोस्
