बुटवल –राष्ट्रिय जनमोर्चाले संघीयताविरुद्ध देशव्यापी अभियान चलाउने भएको छ ।
बुटवलमा २ दिनसम्म चलेको राष्ट्रिय परिषद्को प्रथम बैठकले संघीयताविरुद्ध चैतमा देशव्यापी अभियान चलाउने निर्णय गरेको हो ।
राष्ट्रिय जनमोर्चाका अध्यक्ष चीत्रबहादुर केसीले १० देखि २० चैतसम्म संघीयताविरूद्ध देशव्यापी अभियान चलाउने निर्णय भएको जानकारी दिए ।
केसीका अनुसार अभियानअन्तर्गत सभा र कोणसभा गरिनेछ । जनमोर्चाले संघीयता खारेजको अभियान सञ्चालन गर्दै आएको छ ।
पार्टीको जनाआधार भएका जिल्ला प्यूठान,बाग्लुङ, अर्घाखाँचीसहित रुपन्देही, कैलाली, कन्चनपुरमा ठूला सभा र कार्यक्रम गर्ने निर्णय भएको केसीले जानकारी गराए । संघीयताले देशलाई टाट पल्टाएको निष्कर्ष सहित यसको खारेजीको माग गर्दै विरोधका कार्यक्रम तय भएको पार्टीले जनाएको छ ।
बैठकले १ वैशाख २०८० देखि जेठ महिनाभरी संगठनात्मक कार्यक्रम संचालन गर्ने समेत निर्णय गरेको छ ।
