काठमाडौँ– आज दिउँसो देशभर आंशिकदेखि सामान्य बदली रहने मौसम पूर्वानुमान महाशाखाले जनाएको छ । 

देशको पहाडी तथा तराई भेगका थोरै स्थानमा अपरान्हतिर मेघ गर्जन-चट्याङसहित केहीछिन हल्कादेखि मध्यम वर्षाको सम्भावना रहेको छ ।  

यस्तै, राति देशका पहाडी भू–भागमा आंशिकदेखि सामान्य बदली तथा बाँकी भू–भागमा आंशिक बदलीदेखि मौसम सामान्यतया सफा रहने छ । 

साथै, पहाडी भू–भागहरूका थोरै स्थानमा  मेघ गर्जन-चट्याङसहित क्षणिक-हल्कादेखि मध्यम वर्षाको सम्भावना रहेको छ ।