काठमाडौँ- अमेरिकी ड्रोन रुसको एक लडाकु विमानसँग ठोक्किएको छ ।
अमेरिकाको ड्रोन रुसी विमानसँग ठोक्किएर दुर्घटना भएको अमेरिकी अधिकारीहरूले दाबी गरेका छन् ।
‘मंगलबार रुसको एसयू–२७ लडाकु विमान र अमेरिकाको मानवरहीत ड्रोन आकाशमा उडिरहेका थिए । त्यही क्रममा अमेरिकी ड्रोन ‘ब्ल्याक सी’मा खसेर पूर्णरूपमा क्षतिग्रस्त भएको छ,’ एक अमेरिकी अधिकारीले भने ।
आफ्नो ड्रोन अन्तर्राष्ट्रिय जल क्षेत्रमा नियमित उडानमा भइरहेको बेला रुसी लडाकु विमान जानी–जानी आएर ठोक्किएको अमेरिकी दाबी छ ।
यस्तो दाबी अमेरिकी वायु सेनाका अधिकारी जनरल जेम्स हेकरले गरेको अन्तर्राष्ट्रिय सञ्चारमाध्यमहरूले जनाएका छन् ।
गत वर्ष रुसले युक्रेनमाथि आक्रमण सुरु गरेको थियो ।
यसलाई लिएर अमेरिका र रुसबीत तनाब सिर्जना भइरहेको छ । यस्तो अवस्थामा यस्तो घटना भएको हो ।
प्रकाशित मिति: बुधबार, चैत १, २०७९ १०:४२
प्रतिक्रिया दिनुहोस्
