आइसिसी क्रिकेट विश्वकप लिग– २ अन्तर्गत नेपाल र युनाइटेड अरब इमिरेट्स (युएई)बीच कीर्तिपुरस्थित त्रिवि क्रिकेट मैदानमा खेल चलिरहेको छ । खेलमा नेपालले पहिले फिल्डिङ गरिरहेको छ ।
प्रधानमन्त्री पुष्पकमल दाहाल प्रचण्ड नेपाल र युएईबीचको खेल हेर्न कीर्तिपुरस्थित त्रिवि क्रिकेट मैदानमा पुगेका छन् ।
प्रधानमन्त्री प्रचण्ड नेपाली राष्ट्रिय क्रिकेट टोलीको हौसला बढाउन खेलस्थल पुगेका हुन् ।
मैदान बाहिर पनि दर्शकको भिड छ । समर्थकको भिडलाई नियन्त्रणमा लिन प्रहरीले हम्मेहम्मे परेको छ ।
दर्शकहरूको उल्लेख्य साथ पाएको घरेलु टोलीको हौसला पनि बढेको छ ।
समर्थकहरु पन्चेबाजासहित उपस्थित भएका छन् । नेपालको समर्थनका लागि सामाजिक सञ्जालबाट नै रकम उठाएर समर्थकहरू पञ्चेबाजासहित उपस्थित भएका हुन् ।
नेपालको झण्डासहित राष्ट्रिय टोलीको जर्सीमा पनि समर्थकहरूको भिड कीर्तिपुरमा देखिएको छ ।
