काठमाडौँ– एकदिवसीय (ओडिआई) विश्वकपको अन्तिम छनोटमा स्थान बनाएको नेपाली राष्ट्रिय क्रिकेट टाेलीका खेलाडीहरूलाई प्रधानमन्त्री पुष्पकमल दाहाल प्रचण्डले भेटेरै बधाई दिएका छन् ।

उनले आज बिहान बालुवाटार बोलाएर टोलीका खेलाडी तथा प्रदाधिकारीलाई सम्मान गरेका थिए ।

सो अवसरमा प्रधानमन्त्री प्रचण्डले त्रिवि क्रिकेट मैदानमा तत्काल आधुनिक फ्लडलाइट र स्कोर बोर्ड जडान गर्न राष्ट्रिय खेलकुद परिषद् (राखेप)लाई निर्देशन दिएका छन् ।

यसैबीच, सरकारले विश्वकप छनोटमा स्थान बनाएको टोलीका खेलाडीलाई जनही तीन लाख रुपैयाँ दिने घोषणा गरेको छ ।

नेपालले बिहीबार घरेलु मैदानमा युएईलाई हराउँदै विश्वकपको अन्तिम छनोटमा स्थान बनाएको थियो ।