काठमाडौं –नेपाल टेलिकमले आफ्नो नयाँ अफरको रूपमा ‘सजिलो अनलिमिटेड भ्वाइस एण्ड डाटा पोस्टपेड–६३६’ प्याकेज ल्याएको छ । शुक्रबारदेखि लागू भएको यो अफर पोस्टपेड मोबाइल प्रयोगकर्ताका लागि टेलिकमले ल्याएको हो । 

टेलिकमका अनुसार ६३६ रुपैयाँमा उपलब्ध हुने यो अफर लिएपछि ३० दिनसम्म कम्पनीकै नेटवर्क भित्र अनलिमिटेड कल गर्न सकिने छ । त्यस्तै, अन्य नेटवर्कमा भने १०० मिनेट कल उपलब्ध हुने छ ।

यस अफरमा अननेट १५० वटा एसएमएस पठाउन सकिने सुविधा समेत रहेको टेलिकमले जानकारी दिएको छ । साथै, प्रत्येक दिन ३०० एमबी डाटा प्रयोग गर्न सकिने र सो ३०० एमबी डाटा सकिएमा ६४ केबीपीएस गतिको इन्टरनेट प्रयोग गर्न सकिने समेत जानकारी दिइएको छ । 

टेलिकमका अनुसार सजिलो अनलिमिटेड भ्वाइस एण्ड डाटा पोस्टपेड–६३६ प्याकेज प्राप्त गर्नका लागि ग्राहकले *1415*2*2# डायल गनुपर्ने हुन्छ । त्यस्तै, ‘नेपाल टेलिकम’ एपको पोस्टपेड रेण्टल प्याकेजअन्तर्गत यससम्बन्धी जानकारी लिन तथा सेवा खरिद गर्न सकिने छ ।