मजार–इ शरिफ– अफगान सुरक्षा बलले उत्तरी बाल्ख प्रान्तमा इस्लामिक स्टेट (आइएस) आतंककारी लुकेका ठाउँहरूमा शुक्रबार राति छापा मारेको छ ।
सुरक्षा बलले आक्रमण गर्दा त्यहाँ थुप्रै विद्रोहीहरू मारिएको अफगान कार्यवाहक प्रशासनका मुख्य प्रवक्ता जबिहुल्लाह मुजाहिदले शनिबार दाबी गरेका छन् ।
अफगानिस्तानको उत्तरी बाल्ख प्रान्तको प्रान्तीय राजधानी मजार–इ–शरीफ सहरको प्रहरी जिल्ला ५, ६ र ८ मा छापा मारिएको अधिकारीले जनाएका छन् ।
प्रवक्ता मुजाहिदले कारबाहीमा मारिएका आइएस लडाकुहरूको सङ्ख्या भने खुलाएका छैनन् । कारबाहीका क्रममा एक सुरक्षाकर्मी समेत घाइते भएको उनले बताए ।
कारबाहीका क्रममा सुरक्षाकर्मीले हातहतियार र गोलीसमेत बरामद गरेको छ ।
प्रकाशित मिति: शनिबार, चैत ४, २०७९ १३:०६
प्रतिक्रिया दिनुहोस्
