काठमाडौं–राष्ट्रिय प्रजातन्त्र पार्टीले संसदीय दलको उपनेतामा उपाध्यक्ष बुद्धिमान तामाङलाई चयन गरेको छ ।
शनिबार बसेको पार्टी संसदीय दलको बैठकले तामाङलाई संसदीय दलको उपनेता चयन गरेको हो । प्रतिनिधिसभामा राप्रपाका १४ जना सांसद छन् । तामाङ समानुपातिक पद्धतिबाट प्रतिनिधिसभा सदस्य चयन भएका थिए ।
राप्रपा संसदीय दलको नेतामा अध्यक्ष राजेन्द्र लिङ्देन नै छन् । शनिबार बसेको बैठकले संसदीय दलको विधान पनि पास गरेको छ ।
प्रकाशित मिति: शनिबार, चैत ४, २०७९ १६:२६
प्रतिक्रिया दिनुहोस्
