काठमाडौं– प्रधानमन्त्री पुष्पकमल दाहाल ‘प्रचण्ड’ ले संसदमा प्रतिनिधित्व गर्ने सबै दलले आफूलाई विश्वासको मत दिने विश्वास गरेका छन् ।
आइतबार संसद भवन नयाँ बानेश्वरमा सञ्चारकर्मीसँग सक्षिप्त प्रतिक्रिया दिँदै प्रधानमन्त्री प्रचण्डले सतप्रतिशत सांसदको विश्वासको मत पाउनेमा आफू ढुक्क रहेको बताए ।
यसअघि आफूले विश्वासको मतमा ९९ दशमवल २५ प्रतिशत आशा गरे पनि अहिले सत प्रतिशत सांसदको विश्वासको मत पाउने अवस्था बनेको उनको भनाइ छ ।
पुस १० गते प्रधानमन्त्री बनेका प्रचण्डले पुस २६ गते विश्वासको मत लिएका थिए । त्यतिबेला प्रधानमन्त्री प्रचण्डलाई विश्वासको मत दिएको नेकपा एमाले सरकारलाई दिएको समर्थनसहित सरकारबाट बाहिरिएपछि प्रचण्ड पुनःविश्वासको मत लिन लागेका हुन् ।
प्रधानमन्त्री प्रचण्डले सोमबार प्रतिनिधिसभा बैठकमा विश्वासको मत लिँदैछन् ।
प्रकाशित मिति: आइतबार, चैत ५, २०७९ १५:५३
प्रतिक्रिया दिनुहोस्
