खेलकुद

नेपाल–भारत मैत्रीपूर्ण महिला क्रिकेटमा भारत विजयी

रासस

आइतबार, चैत ५, २०७९

नेपाल–भारत मैत्रीपूर्ण महिला क्रिकेटमा भारत विजयी

प्रथम रेडमण्ड इन्डो–नेपाल मैत्रीपूर्ण महिला क्रिकेट प्रतियोगिता अन्तर्गत आइतबार विराटनगर-६ स्थित मेल्बन ज्वाला क्रिकेट खेल मैदानमा व्याटिङ्ग गर्दै नेपालको विराटनगर क्रिकेट क्लव एण्ड एकाडेमी (विसिसिए)का खेलाडी । तस्बिरः मनोज दाहाल/रासस

मोरङ– विराटनगरमा जारी प्रथम रेडमन्ड नेपाल–भारत मैत्रीपूर्ण महिला क्रिकेट प्रतियोगिताअन्तर्गत आज भएको दोस्रो खेलमा भारतको अल इन्डिया वुमन टी–२० क्रिकेट एसोसिएसन छ विकेटले विजयी भएको छ ।

विराटनगर–६ स्थित मेल्बन ज्वाला क्रिकेट खेल मैदानमा भएको प्रतियोगितामा भारतको क्रिकेट एसोसिएसनले नेपाल क्रिकेट क्लब एन्ड एकाडेमी (विसिसिए) लाई पराजित गरेको छ ।

टस जितेर पहिले ब्याटिङ गरेको नेपालले निर्धारित २० ओभरको खेलमा १८ दशमलव २ बलमा सबै विकेट गुमाई ९७ रन बनाएको थियो ।

भारतीय क्रिकेट एसोसिएसनले १९ दशमलव १ बलमा ४ विकेट गुमाई लक्ष्य हासिल गरेको थियो ।

चार खेलको शृङ्खला १–१ को बराबरी भएको छ । यसअघि शनिबार भएको पहिलो खेलमा नेपालले भारतलाई ९ विकेटले पराजित गरेको थियो ।

प्रकाशित मिति: आइतबार, चैत ५, २०७९