काठमाडौं–प्रधानमन्त्री त्रिदेशीय कपका लागि राष्ट्रिय टिमको घोषणा भएको छ ।

नेपाली राष्ट्रिय फुटबल टिमका मुख्य प्रशिक्षक अल्बर्टो भिसेन्जो एनेसले ६ नयाँ अनुहारलाई समेट्दै टिमको घोषणा गरेका हुन् ।

गोलकिपर अभिषेक बराल, रक्षक सनिष श्रेष्ठ, पदम भट्टराई, मिडफिल्डर मणीकुमार लामा र फरवार्ड दीपकसिंह ठकुरी र सुमित श्रेष्ठलाई समेट्दै २३ सदस्यीय टिमको मंगलबार घोषणा गरिएको हो । एनेसले घोषणा गरेको टिममा मिडफिल्डर सुजल श्रेष्ठ र फरवार्ड विमल घर्तिमगरले भनकाके स्थान बनाउन सकेनन् । 

पहिलो खेलमा नेपालले लाओससँग चैत ८ गते खेल्नेछ । चैत ११ गते भुटान र लाओस भिड्नेछन् । यस्तै, चैत १४ गते नेपाल र भुटान भिड्नेछन् । प्रतियोगिताको फाइनल खेल चैत १७ गते हुनेछ ।

प्रतियोगिताका  लागि अखिल नेपाल फुटबल संघ (एन्फा)ले टिकट मूल्य सामान्य प्यारापिटतर्फ ५०० र भीआईपीतर्फ एक हजार रुपैयाँ तोकेको छ ।