काठमाडौँ– पछिल्लो समय लयमा रहँदै आइसिसी क्रिकेट विश्वकप छनोटको अन्तिम चरणमा पुगेको नेपाल राष्ट्रिय क्रिकेट टोलीले आइसिसी एकदिवसीय (ओडिआई) वरीयतामा सुधार गरेको छ । सुधार गर्दै नेपाल एक स्थान माथि उक्लिएको छ ।
आइसिसीले बुधबार जारी गरेको ओडिआई वरीयतामा नेपालले एक स्थान सुधार गर्दै नामिबियालाई पछि पारेको छ ।
नेपाल एक स्थान सुधार गर्दै १५औँ स्थानमा उक्लिएको छ । नेपालले ओमानलाई पछि पारेको हो । ओमान भने १६औँ स्थानमा झरेको छ ।
गत हप्तामात्रै नेपाल १७औँ स्थानबाट १६औँ स्थानमा उक्लेको थियो ।
जारी क्रिकेट विश्वकप लिग– २ मा उत्कृष्ट प्रदर्शन गर्दै नेपालले ओडिआई मान्यता जोगाइसकेको छ ।
नेपालले लिग–२ मा पछिल्ला १२ खेल खेल्दा ११ मा जित हासिल गरेको थियो ।
एसोसिएट राष्ट्रहरूमध्ये नेपालभन्दा अघि अब स्कटल्यान्ड र नेदरल्यान्ड्स मात्र छन् ।
ओडिआई वरीयताको शीर्ष स्थानमा भारत छ भने दोस्रोमा अष्ट्रेलिया र तेस्रोमा न्युजिल्यान्ड छन् ।
हेरौँ वरीयता :
