काठमाडौँ– प्रधानमन्त्री कप त्रिदेशीय फुटबल प्रतियोगितामा नेपालले लाओसविरुद्ध सहज जित निकालेको छ।
बुधबार त्रिपुरेश्वरस्थित दशरथ रंगशालामा भएको खेलमा नेपालले लाओसलाई २–० गोलअन्तरले हराउँदै सहज जित निकालेको हो ।
नेपालका लागि अनन्त तामाङ र नवयुग श्रेष्ठले एक–एक गोल गरे । खेलको ३१औं मिनेटमा तामाङले नवीन लामाले हेडरमार्फत् गोल गरेका थिए भने श्रेष्ठले ५६ औं मिनेटमा ३५ यार्ड टाढाबाट आकर्षक गोल गर्न सफल भएका थिए । जितसँगै नेपालले पहिलो खेलमा ३ अंक जोडेको छ ।
प्रतियोगितमा नेपाल, लाओस र भुटान सहभागी छन् । अब लाओसले चैत ११ गते भुटानसँग खेल्नेछ भने नेपाले चैत १४ गते भुटानसँग खेल्नेछ । प्रतियोगिता शीर्ष दुई टोलीले उपाधिका लागि चैत १७ गते खेल्ने छन् ।
प्रतियोगिताको उपाधि विजेताले ५ हजार अमेरिकी डलर र उपविजेताले ३ हजार अमेरिकी डलर नगद पुरस्कार पाउने बताइएको छ। साथै, सर्वोत्कृष्ट खेलाडीलाई ५ सय अमेरिकी डलर र हरेक खेलको प्लेयर अफ द म्याच खोडीलाई २ सय ५० अमेरिकी डलर नगद पुरस्कार पाउने छन् । अनन्त र नवयुग
