काठमाडौं –एएफसी यू–२० महिला एसियन कप छनोटको दोस्रो चरणमा नेपाल समूह ‘बी’ मा परेको छ ।
एएफसीले बिहीबार सार्वजनिक गरेको दोस्रो चरणको छनोट ‘ड्र’ अनुसार नेपाल समूह ‘बी’ मा चीन, म्यानमार र चाइनिज ताइपेईसँगै परेको हो । छनोटको दोस्रो चरण आउँदो जुन ३ देखि ११ तारिखसम्म हुनेछ ।
नेपाल समूहको शीर्ष दुईमा अटाउन सके सन् २०२४ मा हुने एएफसी यू–२० महिला एसिया कपमा छनोट हुनेछ । एएफसी यू–२० महिला एसिया कप उज्वेकिस्तानमा मार्च ३ देखि १६ सम्म हुने तालिका छ ।
यसअघि, प्यालेस्टाइनमा भएको छनोटको पहिलो चरणमा नेपालले घरेलु टिम प्यालेस्टाइन र नर्दन मारियाना आइसल्यान्डलाई समान ६–० ले पराजित गरेको थियो ।
प्रकाशित मिति: बिहीबार, चैत ९, २०७९ १५:००
प्रतिक्रिया दिनुहोस्
