काठमाडौं –अभिनेता नरेन खड्का र अभिनेत्री सुरक्षा पन्तको भूमिकामा चलचित्र ‘बुलाकी’को दोस्रो गीत सार्वजनिक गरिएको छ ।
‘दुनियाँलाई सम्झाइ देउन’ बोलको लिरिकल गीतमा नरेन, सुरक्षा र डेव्यु अभिनेता बिराज बिष्टबीचको त्रिकोणात्मक प्रेमलाई प्रस्तुत गरिएको छ ।
सविन सेञ्चुरी र बादल थापाको शब्द रचना तथा संगीत रहेको सार्वजनिक गीतमा बादल थापाको स्वर सुन्न सकिन्छ । टोपेन्द्र विष्टले निर्माण गरेको सिनेमालाई लक्ष्मण सुनारले निर्देशन गरेका हुन् । चलचित्र आगामी वैशाख १ गतेबाट प्रदर्शनमा आउने छ ।
रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, धनवहादर राई, लक्ष्मण देवकोटा, बसन्त उदास, सोनु सेढाइका अलवा प्रकाश कँडेल र सरस्वती खत्रीले बुलाकीबाट नेपाली सिनेमा क्षेत्रमा डेव्यु गर्दैछन् ।
छत्रेश्वरी म्यानेजमेन्टको ब्यानरमा स्व. मोति बिष्टको प्रस्तुति रहेको सिनेमा शिब ढकालले खिचेका हुन्। अर्जुन जिसीले सम्पादन गरेको सिनेमामा राज बहादुर सानेको कथा, राजबहादुर साने, निर्मल पौडेल र निर्देशक सुनार तथा अभिनेता बिष्ट पटकथा तथा संवाद रहेको छ ।
डोल्पा, जाजारकोट र रुकुम पश्चिमका रमणीय स्थानमा खिचिएको सिनेमाको बितरण त्रिनेत्रम् र एफडीले गर्दैछन् ।
