बेरुत– अन्तर्राष्ट्रिय मुद्रा कोष (आइएमएफ)ले वित्तीय सुधारको कार्यान्वयनलाई तीव्रता दिन लेबनानलाई निर्देशन दिएको छ ।
लेबनानका लागि आइएमएफ प्रतिनिधिमण्डलका प्रमुख अर्नेस्टो रामिरेज रिगोले बिहीबार लेबनानी अधिकारीहरूलाई उद्धार कार्यक्रम सञ्चालनमा ल्याउन वित्तीय सुधारको कार्यान्वयनलाई तीव्रता दिन आग्रह गरो हुन् ।
परिस्थितिको जटिलताको स्थितिलाईलाई ध्यानमा राख्दै रिगोले दिएको निर्देशनबारे एलनाशरा वेबसाइटले रिपोर्ट गरेको छ । ‘लेबनान आर्थिक रूपले खतरनाक अवस्थामा छ । लेबनानमा सुधारको प्रगति सुस्त छ । त्यसैले आर्थिक सुधारको अनुभूति हुनु जरूरी छ,’ उनले भने, ‘लेबनानमा वित्तीय सुधारसँग सम्बन्धित कानूनहरू अनुमोदन र कार्यान्वयन गर्ने सम्बन्धमा हामीले थप अपेक्षा गरिरहेका थियौँ पुँजी नियन्त्रण कानूनको अन्तिम मस्यौदाले लक्ष्यहरू पूरा गर्दैन र संशोधनको आवश्यकता छ ।’
साथै, पुँजी नियन्त्रण कानूनको अन्तिम मस्यौदाले लक्ष्यहरू पूरा गर्दैन र संशोधनको आवश्यकता रहेको रिगोको भनाइ छ । लेबनानको केन्द्रीय बैंकबाट ऋण लिन बन्द गर्न लेबनानी सरकारलाई आग्रह गर्दै उनले लेबनानको वित्तीय सङ्कटका कारण लेबनानी बैंकिङ प्रणालीमा तरलता र पूँजीको अभाव भएकाले सबैले घाटा बेहोर्नुपर्ने बताए ।
इतिहासकै सबैभन्दा खराब आर्थिक सङ्कटको सामना गरिरहेको लेबनानले आइएमएफबाट प्राप्त हुने सहायताका लागि आवश्यक सुधारहरू कार्यान्वयन गर्न असफल भएको छ ।
