1679707699.png)
काठमाडौँ– सन् २०२४ मा जर्मनीमा हुने युरोकप फुटबल प्रतियोगिताको छनोटमा विश्वकप उपविजेता फ्रान्सले एकपक्षीय सानदार जित हासिल गरेको छ ।
गएराति घरेलु मैदानमा भएको खेलमा फ्रान्सले नेदरल्यान्ड्समाथि ४–० को सानदार जित दर्ता गरेको हो ।
खेलको दोस्रो मिनेटमै उपकप्तान एन्टोइन ग्रिजम्यानले गोल गर्दै फ्रान्सलाई अग्रता दिलाएका थिए । उनले कप्तान केलियन एम्बाप्पेको पासमा गोल गरेका हुन् ।
फ्रान्सले फेरि ८ मिनेटमै अग्रता दोब्बर बनायो । डेअट उपमेकानोले गोल गरेका हुन् ।
यस्तै, खेलको २१ औँ मिनेटमा कप्तान एम्बाप्पेले गोल गर्दै आफ्नो टोलीलाई ३–० को अग्रतामा पुयौए । उनी यत्तिमै रोकिएनन् । उनले फेरि ८८ औँ मिनेटमा गोल गर्दै फ्रान्सको जित सुनिश्चित बनाए ।
इन्ज्युरी समयको थप गरिएको पाँचौं मिनेटमा नेदरल्यान्ड्सले पेनाल्टीको अवसर पाएको थियो । मेम्फिस डिपाएले गोल गर्न नसक्दा उ फराकिलो हार बेहोर्न पुग्यो ।
यस जितसँगै समूह ‘बी’मा रहेको फ्रान्सले ३ अंक जोडेको छ । नेदरल्यान्ड्स अंकविहीन छ । यही समूहको अर्काे खेलमा ग्रिसले जिब्राल्टारलाई ३–० ले पराजित गरेको छ ।
