काठमाडौँ– सन् २०२४ मा जर्मनीमा हुने युरोकप फुटबल प्रतियोगिताको छनोटमा इटालीले पहिलो जित निकालेको छ ।
गएराति भएको खेलमा घरेलु टोली माल्टालाई २–० गोल अन्तरले हराउँदै इटालीले पहिलो जित निकालेको हो ।
इटालीको जितमा माटियो रेटेगुई र माटियो पेसिनाले एक–एक गोल गरे ।
खेलको १५ औँ मिनेटमा नै रेटेगुईले गोल गर्दै इटालीलाई सुरुवाती अग्रता दिलाएका थिए ।
त्यसपछि खेलको २७ औँ मिनेटमा पेसिनाले गोल गर्दै इटालीलाई २–० को जित दिलाए ।
जितसँगै इटालीले २ खेलमा ३ अंक जोडेको छ ।
इटाली समूह ‘सी’को दोस्रो स्थानमा रहेको छ ।
माल्टाको यो लगातार दोस्रो हार हो ।
यसअघि, घरेलु मैदानमा भएको खेलमा इटाली इंग्ल्यान्डसँग पराजित भएको थियो ।
प्रकाशित मिति: सोमबार, चैत १३, २०७९ ०९:१९
प्रतिक्रिया दिनुहोस्
