काठमाडौँ– प्रधानमन्त्री थ्री नेसन्स कप फुटबल प्रतियोगिताअन्तर्गत नेपालले आज भुटानसँग प्रतिस्पर्धा गर्दैछ ।
खेल साँझ ६ बजे त्रिपुरेश्वरस्थित दशरथ रंगशालामा हुनेछ ।
घरेलु टोली नेपालले पहिलो खेलमा लाओसलाई २–० ले पराजित गरेको थियो । भुटान भने लाओससँग नै २–१ ले पराजित भएको थियो ।
यसर्थ, फाइनलमा स्थान बनाउन नेपालले भुटानसँग बराबरी खेले नै पर्याप्त हुनेछ । भुटानविरुद्ध जित वा बराबरी गरे मात्रै नेपाल शीर्ष स्थानमा रहँदै फाइनल पुग्नेछ । समीकरणअनुसार भुटानसँग २–० को हारले पनि नेपाल फाइनल पुग्नेछ ।
भुटानका लागि भने फाइनलमा स्थान बनाउन फराकिलो जितको विकल्प छैन ।
उता लाओसको नजर पनि नेपाल र भुटानबीचको खेलमा हुनेछ । नेपालले भुटानलाई पराजित गरे बराबरी खेलेमा नेपालसँगै लाओस फाइनल पुग्नेछ । फाइनल खेल आउने बिहीबार हुनेछ ।
प्रकाशित मिति: मंगलबार, चैत १४, २०७९ ०९:५८
प्रतिक्रिया दिनुहोस्
