काठमाडौं– लक्ष्मी इन्टरकन्टिनेन्टल, हुन्डाई अटोमोवईल्सको आधिकारिक विक्रेताले ‘हुन्डाईसँग नयाँ वर्ष २०८०’ योजना ल्याएको छ ।
सोमबारदेखि लागू भएको यो योजनामा कम्पनीले ५ लाख रुपैयाँ सम्मको नगद छुटका साथै गाडीको निर्माण वर्षको आधारमा २ लाख रुपैयाँ सम्मको छुट, नयाँ वर्ष बोनस ८० हजार रुपैयाँ सम्म र एक्सचेन्ज बोनस ८० हजार रुपैयाँ सम्मको छुट प्राप्त गर्न सकिने छ ।
यसका साथै, गाडी खरिद गर्दा थप १ वर्षसम्मको निःशुल्क बीमा तथा सवारी करका साथै तुरुन्तै मूल्यांकन तथा एक्सचेन्ज सुविधा समेत प्रदान गरिएको कम्पनीले बताएकको छ । सबै हुन्डाई गाडी ३ वर्ष वारेन्टी, ६ वर्षको फ्रि सर्भिसिङ्गका साथै निःशुल्क सडक कर भुक्तानी सहित उपलब्ध हुने जनाइएको छ ।
कम्पनीले अघिल्लो महिना मात्रै भेन्यू र निओस फेसलिफ्ट भर्जन लञ्च गरेको थियो । यस स्किमबाट हुण्डाईको कुनैपनि ह्याटब्याक, कम्याक्ट एसयुभी, तथा इभी गाडी खरिद गरि फाइदा लिन सक्नेछन् ।
कम्पनीले हाल देशभरी १७ शोरुम तथा १९ सर्भिस सेन्टर मार्फत ग्राहकलाई सेवा प्रदान गरिरहेको छ । सो मोटर कम्पनी विश्वकै ५ ठूला अटोमोबाइल उत्पादक मध्येमा पर्ने कम्पनीले बताएको छ ।
