काठमाडौँ– संघीय संसद्अन्तर्गत प्रतिनिधिसभाको बैठक आज बस्दैछ । 

नयाँ बानेश्वरस्थित प्रतिनिधिसभाको भवनमा आज दिउँसो १ बजे बैठक बस्ने संसद् सचिवालयले जनाएको छ । 

बैठकमा प्रधानमन्त्री पुष्पकमल दाहाल प्रचण्डले अख्तियार दुरुपयोग अनुसन्धान आयोगको वार्षिक प्रतिवेदन (आर्थिक वर्ष २०७८-७९) पेस गर्ने पहिलो कार्यसूची छ ।

यस्तै, अभिलेख संरक्षण (पहिलो संशोधन) विधेयक २०७७ छ । यो विधेयकमाथि विचार गरियोस् भनी सँस्कृति, पर्यटन तथा नागरिक उड्डयन मन्त्री सुदन किरातीले प्रस्ताव पेस गर्नेछन् ।

गत पुस २५ गतेदेखि प्रतिनिधिसभाको पहिलो अधिवेशन सुरु भएको थियो । यो अवधिमा तीनवटा विधेयक दर्ता भएका छन् ।