काठमाडौं –फुटबलको विश्व सर्वोच्च संस्था फिफाले इन्डोनेसियालाई यही वर्ष हुने यू–२० विश्वकप आयोजकबाट हटाएको छ ।
फिफा अध्यक्ष जियानी इन्फेन्टिनो र इन्डोनेसियाली फुटबल महासंघका अध्यक्ष एरिक थोहिरको भेटवार्तापछि फिफाले इन्डोनेसियालाई आयोजना गर्न नदिने निर्णय गरेको हो ।
फिफाले योसँगै अब नयाँ आयोजक घोषणा गरिने जनाएको छ । यद्यपि प्रतियोगिताको मिति भने परिवर्तन गरिएको छैन । इन्डोनेसियाली महासंघविरुद्ध लगाइने प्रतिबन्धबारे पनि चाँडै निर्णय हुनसक्ने बताइएको छ ।
फिफाले महासंघलाई यसका बाबजुद सक्रिय सहयोग जारी राख्ने प्रतिबद्धता पनि जनाएको छ ।
प्रकाशित मिति: बिहीबार, चैत १६, २०७९ १४:२५
प्रतिक्रिया दिनुहोस्
