काठमाडौं –एनआईसी एसिया लघुवित्त वित्तीय संस्था लिमिटेडले देशव्यापी रुपमा महिलाहरुलाई लक्षित गरी वित्तीय साक्षरतासम्बन्धी कार्यक्रम गर्दै ‘ग्लोबल मनी विक’ मनाएको छ ।
नेपाल राष्ट्र बैंकको वार्षिक कार्यतालिका अनुसार हरेक वर्षको मार्च महिनामा सप्ताहव्यापी रूपमा मनाइने ‘ग्लोबल मनी विक’को ११ औं संस्करणका रूपमा लघुवित्तले पनि ६ देखि १२ चैतसम्म सप्ताहव्यापी ‘प्लान योर मनी–प्लान्ट योर फ्युचर’ भन्ने नाराका साथ वित्तीय साक्षरता प्रवर्द्धन कार्यक्रम गरेको हो ।
कार्यक्रमबाट देशव्यापी रूपमा वित्तीय अनुशासन र चेतना अभिवृद्धि भएको संस्थाले विश्वास लिएको छ ।
अभियानअन्तर्गत संस्थाले वित्तीय साक्षरतासम्बन्धी सचेतनामूलक श्रव्यदृश्यसहितका अभिमुखीकरण र अन्तक्रिया कार्यक्रमका साथै वित्तीय साक्षरता झल्काउने नाराहरूको प्लेकार्ड सहितको ¥याली गरेको छ ।
सन् २०१२ देखि प्रत्येक वर्ष विश्वका १७० भन्दा बढी देशहरूमा संचालन हुदै आएको ‘ग्लोबल मनी विक’ मूलतः वित्तीय शिक्षाको महत्वबारे जागरण ल्याउने उद्देश्यका साथ मिनाइने अभियान हो ।
