काठमाडौँ– सत्तारुढ घटक नेपाली कांग्रेसले कार्यसम्पादनको बैठक बोलाएको छ ।
बैठक आइतबार बिहान १० बजेका लागि बोलाइएको हो ।
पार्टीको केन्द्रीय कार्यालय सानेपामा बस्ने बैठकमा बैठकमा केन्द्रीय कार्यसम्पादन समितिका पदाधिकारी एवं सदस्यहरूको उपस्थितिका लागि निर्देशानुसार अनुरोध गरिएको छ ।
‘कांग्रेस केन्द्रीय कार्यसम्पादन समितिको बैठक २०७९ चैत्र १९ गते आइतबार बिहान १० बजे पार्टीको केन्द्रीय कार्यालयमा बस्ने भएको छ,’ पार्टी कार्यालयका मुख्य सचिव कृष्णप्रसाद पौडेलले आज जारी गरेको विज्ञप्तिमा भनिएको छ, ‘उक्त बैठकमा केन्द्रीय कार्यसम्पादन समितिका पदाधिकारी एवं सदस्यहरूको उपस्थितिका लागि निर्देशानुसार अनुरोध गरिन्छ ।’
कांग्रेसको कार्यसम्पादन समितिको बैठक बिहीबार पनि बसेको थियो ।
प्रकाशित मिति: शनिबार, चैत १८, २०७९ ०९:५४
प्रतिक्रिया दिनुहोस्
