काठमाडौं –गायिका प्रविशा अधिकारीको स्वरमा रहेको ‘यहीं कतै २’ गीतको भिडियो सार्वजनिक भएको छ ।
किरण पुनको शब्द तथा सुवास भुषालले संगीत र उदयराज पौडेलको एरेन्ज गीतमा छ । प्रेम कथामा आधारित गीतमा जीवनका सुनौला पलहरूलाई आकर्षक रुपमा प्रस्तुत गर्ने प्रयास गरिएको छ ।
जेनिशा निर्देशित ‘यहीं कतै’ बोलको गीतमा जेनिशा र कमल घिमिरेको अभिनय देख्न सकिन्छ । गीतको भिडियोमा अष्ट्रेलियाको सिड्नी आसपासका विभिन्न स्थानमा छायाँकन गरिएको हो ।
भिडियोमा ओम गोरखालीको छायाँकन र टेकेन्द्र शाहको सम्पादन छ ।
प्रकाशित मिति: शनिबार, चैत १८, २०७९ १३:३९
प्रतिक्रिया दिनुहोस्
