काठमाडौं –अभिनेता कमलमणि नेपाल अभिनय फिल्म ‘बहाव’ आगामी चैत २४ गतेबाट रिलिज हुँदैछ । फिल्ममा प्रमोद कँडेलको लेखन तथा निर्देशन छ ।
फिल्ममा उनले अभिनेत्री सुरक्षा पन्तका पिता केदार रेग्मीको भूमिकामा अभिनय गरेका छन् । कमलमणिका अनुसार उनले फिल्ममा समाजमा आम मानिसले देखेको चरित्र निर्वाह गरेका छन् ।
उनको बुझाइमा ‘बहाव’ समाजको यथार्थ कथा हो, जहाँ सबैका आ–आफ्ना विचार र आ–आफ्नो स्वतन्त्रा हुन्छ ।
‘जिज्ञासा, विचार र यथार्थ’ विषयवस्तु बोकेको फिल्म स्वर्णिम इन्टरटेनमेन्ट र योङ स्टार सिनेमाको व्यानरमा निर्माण भएको हो । फिल्मका निर्माता श्रीधर पौडेल हुन ्। उनले यसअघि नेपाल सरकारबाट ‘राष्ट्रिय अवार्ड’ प्राप्त फिल्म ‘गोपी’ निर्माण गरेका थिए ।
फिल्ममा सुरक्षा र कमलमणिसँगै अफरान अली, सूर्य शर्मा भट्ट, इश्वरी सिंह, हीरालाल कँडेल र पवन श्रेष्ठको अभिनय छ ।
प्रकाशित मिति: शनिबार, चैत १८, २०७९ १८:५६
प्रतिक्रिया दिनुहोस्
