काठमाडौँ– १६ औँ संस्करणको इन्डियन प्रिमियर लिग (आइपिएल) क्रिकेटमा लखनऊ सुपर जायन्ट्सले दिल्ली क्यापिटल्सलाई हराएको छ ।
गएराति घरेलु मैदानमा भएको खेलमा लखनाऊले दिल्लीलाई ५० रनको फराकिलो अन्तरले हराएको हो ।
लखनऊले दिएको १९४ रनको लक्ष्य पछ्याएको दिल्लीले २० ओभरमा ९ विकेट गुमाएर १४३ रन मात्र बनाउन सक्यो ।
दिल्लीका लागि कप्तान डेविड वार्नरले अर्धशतकीय पारी खेल्दै सर्वाधिक ५६ रन बनाए । यस्तै, राइली रोउसोले ३० रन बनाउनबाहेक अन्य ब्याटरले उल्लेख्य रन जोड्न सकेनन् ।
लखनऊका लागि मार्क उडले ५ तथा आवेस खान र रवि बिष्नोईले समान २÷२ विकेट लिए ।
त्यसअघि टस हारेर पहिले ब्याटिङ गरेको लखनऊले २० ओभरमा ६ विकेट गुमाएर १९३ रन बनाएको थियो ।
लखनउका लागि ओपनर कायल मेयर्सले ७३ रनको अर्धशतकीय पारी खेले ।
निकोलस पुरनले ३६, आयुष बाडोनीले १८, दीस्पक हुडाले १७ र क्रुनाल पाण्ड्याले १५ रन बनाए ।
यस्तै, मार्कुस स्टानिसले १२, कप्तान केएल राहुलले ८ र कृष्नापा गौथमले अविजित ६ रन बनाए ।
दिल्लीका लागि खलिल अहमद र चेतन साकरियाले समान २÷२ विकेट लिए ।
जितसँगै २ अंक बनाएको लखनऊ शीर्ष स्थानमा रहेको छ । हारसँगै अंकबिहीन बनेको दिल्ली लिगको छैटौँ स्थानमा रहेको छ ।
अर्को खेलमा पञ्जाब किंग्सले कोलकाता नाइट राइडर्सलाई हराएको थियो ।
