काठमाडौं– चलचित्र ‘बहाव’ले फिल्मको टिकटमा थाइल्यान्डको प्याकेज टुरको पुरस्कार राखेको छ । पुरस्कार जित्नका लागि चलचित्र ‘बहाव’को टिकट खल्ती एपमार्फत काट्नुपर्ने छ । खल्ती एप प्रयोगकर्ताको एकाउन्ट केवाईसी प्रमाणित भएको हुनुपर्ने छ । नेपालभरबाट २५ भन्दा बढी हलको टिकट खल्ती एपमार्फत काट्न सकिनेछ ।
खल्ती एपबाट टिकट काटेर सिनेमा हेर्ने एकजना भाग्यशाली ब्यक्तीले एमडी होलिडेजको तर्फबाट एक जोडीलाई थाइल्यान्डको टुर प्याकेज जित्ने मौका पाउनेछन् ।
दुईतर्फी हवाई भाडा र तीनतारे होटेलमा बसाइसहितको चार रात पाँच दिनको टुर प्याकेज समावेश गरिएको उक्त पुरस्कार प्याकेज फिल्म प्रमोशनको लागि निकै प्रभावकारी हुने निर्माण युनिटको अपेक्षा छ ।
विजेता छनोट फिल्म प्रदर्शन सकिएको दुई हप्तापछि खल्तीको अफिसियल पेजमार्फत लक्की ड्रमार्फत गरिनेछ ।
प्रमोद कडेँलले निर्देशन गरेको चलचित्रमा सुुरक्षा पन्त, कमलमणि नेपाल, अर्फान अलिलगायत कलाकार मुख्य भूमिकामा छन् । श्रीधर पौडेल निर्माता रहेको चलचित्र चैत २४ गतेबाट प्रदर्शनमा आउँदै छ ।
