काठमाडौं –भुटानको राष्ट्रिय फुटबल टोलीका कप्तान चेन्चो ग्याल्सेन मछिन्द्र फुटबल क्लबमा आवद्ध भएका छन् ।
दुई पटकको लिग च्याम्पियन मछिन्द्रमा आवद्ध भएका चेन्चोले हिमालयन शेर्पासँगको खेलमा सुरुवाती ११ मा स्थान बनाउँदै नेपाली फुटबलमा डेब्यु गरेका हुन् ।
उनी ए डिभिजन लिगको साविक विजेता मछिन्द्र क्बलमा २० चैतमा आवद्ध भएका थिए ।
भुटानी रोनाल्डोका रुपमा चर्चित २६ वर्षीय चेन्चो ५ हजार डलरमा क्लबमा अनुबन्ध भएको जनाइएको छ ।
चेन्चो प्रधानमन्त्री त्रिदेशीय कप फुटबल खेल्न काठमाडौंमा आएका बेला मछिन्द्रले सम्पर्क गरेको थियो ।
चेन्चोले मछिन्द्रबाट जर्सी नम्बर ७७ लगाएर ए डिभिनज लिग खेल्दैछन् ।
प्रकाशित मिति: बिहीबार, चैत २३, २०७९ १६:१४
प्रतिक्रिया दिनुहोस्
