गुल्मी– गुल्मीमा गएराति आगलागीमा परेर एक वृद्धले ज्यान गुमाएका छन् । जिल्लाको मदाने गाउँपालिका वडा नम्बर– ६ देउराली निवासी ८३ वार्षिय ज्ञानबहादुर जिसीको मृत्यु भएको जिल्ला प्रहरी कार्यालय गुल्मीले जनाएको छ ।
गएराति करिब १० बजे एक्कासी जिसीको घरमा अगलागी भएको र आगलागीबाट ढुंगा–माटोले बनेको घर जलेर पूर्णरूपमा जलेर नष्ट भएको प्रहरी कार्यालय गुल्मीका प्रहरी निरीक्षक निरञ्जन घिमिरेले जानकारी दिए ।
मृतक जिसी घरमा एक्लै बस्दै आएका थिए । उनका दुई छोरा रोजगारीका लागि देशबाहिर छन् ।
मृतकको शबलाई पोष्टमार्टमका लागि गुल्मी अस्पताल ल्याइएको छ । आगलागी घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
आगो नियन्त्रणका लागि प्रहरी निरीक्षकसहितको १४ जनाको टोली घटनास्थल पुगेको थियो ।
प्रकाशित मिति: शुक्रबार, चैत २४, २०७९ १२:०९
प्रतिक्रिया दिनुहोस्
