नेभिगेशन
खेलकुद

दोस्रो जितसँगै लखनऊ शीर्ष स्थानमा, जितविहीन हैदरावाद पुछारमा 

काठमाडौँ– लखनऊ सुपर जायनट्सले जारी १६ औँ संस्करणको इन्डियन प्रिमियर लिग (आइपिएल) क्रिकेटमा दोस्रो जित निकालेको छ । लखनऊ ले गएराति सनराइजर्स हैदरजादलाई ५ विकेटले हराएको हो ।

घरेलु मैदान अटल बिहारी बाजपायी एकना क्रिकेट मैदानमा लखनऊले हैदरवादले दिएको १२२ रनको लक्ष्य १६ ओभर खेल्दै ५ विकेट गुमाएर पूरा गर्यो ।

लखनाऊको जितमा क्रुनाल पाण्ड्याको अलराउण्ड प्रदर्शन गरेका थिए । प्लेयर अफ दी म्याच भएका उनले ३४ रन बनाउनका साथै ३ विकेट लिए ।

लखनउका लागि कप्तान केएल राहुलले ३५ रन बनाए । यस्तै क्रुनाल ३४ रन जोडे । कायल मेयर्सले १३ रन बनाए । छक्का प्रहार गर्दै जित पक्का गरेका निकोलस पुरनले ६ बलमा अविजित १० रन जोडे । 

यस्तै, मार्कुुस स्टोइनिसले अविजित १० रन बनाए भने दीपक हुडाले ७ रन जोडे ।

हैदरवादका आदिल रशिदले सर्वाधिक २ विकेट लिए ।

त्यसअघि टस जितेर पहिले ब्याटिङ गरेका हैदरवादले २० ओभरमा ८ विकेट गुमाएर १२१ रन बनाएको थियो ।

हैदरवादका लागि राहुल त्रिपाठीले सर्वाधिक ३४ तथा अनमोलप्रित सिंहले ३१ रन बनाए । 

हैदरवादलाई कम स्कोरमा रोक्न लखनऊका क्रुनालले ४ ओभरमा १८ रन खर्चेर ३ विकेट लिए । 

यस्तै, अमित मिस्राले २, रवि विष्नोई र यश ठाकुरले समान १ विकेट लिए ।

लखनऊको यो तेस्रो खेलमा दोस्रो जित हो । ३ खेलबाट ४ अंक जोडेको लखनऊ समान अंक भए पनि गुजरात टाइटन्स र पञ्जाव किंग्सलाई नेट रनरेटमा पछि पार्दै शीर्ष स्थानमा उक्लिएको छ ।

लगातार दोस्रो हार ब्यहोरेपछि हैदरवाद भने अंकविहीन हुँदै पुछारमा छ ।

हेरौँ अंक तालिका :

ipl1680919278.JPG

प्रकाशित मिति:
प्रतिक्रिया दिनुहोस्
लोकप्रीय
थप खेलकुद