काठमाडौँ– काठमाडौँ महानगरपालिकाका प्रमुख (मेयर) बालेन्द्र शाह बालेनले आजदेखि सिंहदरबारको फोहोर नउठ्ने घोषणा गरेका छन् ।
सामाजिक सञ्जालमार्फत उनले आज यस्तो घोषणा गरेका हुन् ।
स्थानीय नेताहरूले सिसडोलमा फोहोर व्यवस्थापन गर्न पटक–पटक अवरोध गरेको भन्दै मेयर बालेनले आजदेखि नै सिंहदरबारभित्रबाट निस्कने फोहोर नउठाउने बताएका हुन् ।
उनले देश सफा गर्न परे नेताहरूलाई सिसडोलमा डप्प गर्नुपर्ने भन्दै आक्रोशसमेत पोखेका छन् ।
‘आजबाट सिंहदरबारको फोहोर उठ्दैन । साच्चिकै देश सफा गर्नु परे, त्यहाँका नेताहरूलाई सिसडोलमा डम्प गर्नुपर्ने हुन्छ,’ उनले फेसबुकमा लेखेका छन् ।
प्रकाशित मिति: शनिबार, चैत २५, २०७९ ०८:५१
प्रतिक्रिया दिनुहोस्
