काठमाडौं–सिद्धार्थ बैंक लिमिटेडले ‘ग्लोबल मनि वीक २०२३’ को उपलक्ष्यमा आयोजना गरेको भिडियो निर्माण प्रतिस्पर्धाका विजेतालाई पुरस्कार वितरण गरेको छ ।

‘ग्लोबल मनि वीक २०२३’ को विषयवस्तु ‘प्ला योर मनि, प्लान्ट योर फिउचर’ लाई सार्थक बनाउने उद्देश्यले उक्त प्रतियोगिता आयोजना गरिएको हो ।

‘बैंकमा बचत गर्नुका फाइदाहरू’ शीर्षकमा भिडियो बनाइएको थियो । अधिकतम मन पराइएका तीन प्रतियोगीहरूलाई क्रमशः ३० हजार रुपैयाँ, २० हजार रुपैयाँ र १० हजार रुपैयाँ नगद पुरस्कारको व्यवस्था गरेको कम्पनीले जनाएको छ ।

प्रतियोगिताका विजेताहरूलाई सिद्धार्थ बैंकको प्रधान कार्यालय हात्तीसारमा एक समारोह आयोजना गरी पुरस्कार प्रदान गरिएको छ । विजेताहरूलाई बैंकका डिजिटल मार्केटिङ प्रमुख अनन्त श्रेष्ठले पुरस्कार प्रदान गरेका हुन् ।