रुपन्देही –भगवान गौतम बुद्धले निर्वाण प्राप्त गरेको भारतस्थित बुद्धस्थल कुशीनगरबाट बुद्ध जन्मस्थल लुम्बिनीसम्म बौद्ध भिक्षुहरू खाली खुट्टा पैदल यात्रा गरेका छन् ।
९१ जना थाई र लाओसका भिक्षुहरू १७५ किमी लामो यात्रा ७ दिनमा पूरा गरेर कुशीनगरबाट लुम्बिनी आइपुगेका हुन् ।
थाई भिक्षु चरणको नेतृत्वमा आएको टोली ठाउँ–ठाउँमा बास बस्दै धर्मदेशना गर्दै लुम्बिनी आएका हुन् ।
टोलीले विश्व शान्तिका लागि मायादेवी मन्दिरमा परित्राण पाठ र पूजाआजा गरेका छन् । एक महिनाका लागि आएका भिक्षुले भारतमा रहेको बुद्धस्थल राजगीरदेखि बौद्धगयासम्म पनि पैदल हिँडेर पुगेका हुन् ।
प्रकाशित मिति: शनिबार, चैत २५, २०७९ १२:५७
प्रतिक्रिया दिनुहोस्
