काठमाडौं–साविक विजेता मच्छिन्द्र फुटबल क्लबले सहिद स्मारक ‘ए’ डिभिजन लिगका लागि किशोरकुमार केसीलाई नयाँ मुख्य प्रशिक्षकमा नियुक्त गरेको छ । आइतबार मच्छिन्द्रले केसीलाई क्लबको मुख्य प्रशिक्षकको जिम्मेवारी सुम्पिएको सामाजिक सञ्जालमार्फत जनाएको हो ।
यसअघिका प्रशिक्षक प्रवेश कटुवाल राष्ट्रिय टिमको सहायक प्रशिक्षकमा नियुक्त भएपछि मच्छिन्द्रले लिगका लागि नयाँ प्रशिक्षक ल्याएको हो । कटुवालकै प्रशिक्षणमा मच्छिन्द्रले गत सिजन अपराजित रहँदै लिगको उपाधि जितेको थियो ।
जारी लिगमा मच्छिन्द्र ११औँ स्थानमा छ । ६ खेलबाट ६ अंक मात्र जोडेको छ । मच्छिन्द्र जारी सिजन एक खेलमा मात्र विजयी भएको छ । चार खेलमा हारेको थियो । एक खेल बराबरी खेलेको थियो ।
मच्छिन्द्र रेलिगेसन क्षेत्रमा रहेको न्युरोड टिम (एनआरटी)भन्दा तीन अंक मात्र माथि छ ।
प्रकाशित मिति: आइतबार, चैत २६, २०७९ १५:०६
प्रतिक्रिया दिनुहोस्
