दोस्रो जित निकाल्ने क्रममा कोलकाताले गुजरातलाई घरेलु मैदानमै हरायो

काठमाडौँ– जारी इन्डियन प्रिमियर लिग (आइपिएल) आफ्नो दोस्रो जित निकाल्ने क्रममा कोलकाता नाइट राइडर्सले गुजरात टाइटन्सलाई उसको घरेलु मैदानमै हराएको छ ।

तेस्रो खेलमा दोस्रो जित हात पार्ने क्रममा कोलकाताले गएरातिट गुजरातलाई ३ विकेटले पराजित गरेको हो ।

नरेन्द्र मोदी रंगशाला अहमदाबादमा गुजरातले दिएको २०५ रनको लक्ष्य कोलकत्ताले अन्तिम बलमा ७ विकेट गुमाएर पूरा गर्यो ।

अन्तिम ओभरमा रिंकु सिंहले लगातार ५ छक्का प्रहार गरेपछि कोलकाताले सनसनीपूर्ण जित निकालेको हो । 

कोलकाताका लागि वेंकटेस अय्यरले ८३ रनको अर्धशतकीय पारी खेले ईनिङ खेले ।

अविश्वनीय पारी खेलेका रिंकुले २१ बलमा १ चौका र ६ छक्काको सहयोगमा अविजित ४८ रन बनाए ।

यस्तै, कप्तान नितिश राणाले ४५ रन जोडे ।

यसैगरी, अहमुल्लाह गुर्बाजले १५, नारायण जगदीशनले ६, उमेश यादवले अविजित ५ र आन्द्रे रसेलले १ रन बनाएपछि कोलकाताले लक्ष्य भेट्टायो ।  

गुजरातका लागि कप्तान राशिद खानले ह्याट्रिकसहित ३ विकेट लिए पनि आफ्नो टोलीलाई जिताउन सकेनन् ।

त्यसअघि टस जितेर पहिला ब्याटिङ गरेको गुजरातले २० ओभरमा ४ विकेट गुमाउँदै २०४ रन बनायो । 

गुजरातका विजय शंकर र साई सुदर्शनले अर्धशतकीय पारी खेले पनि त्यो जितका लागि पर्याप्त भएन ।  विजयले ६३ र साईले ५३ रन बनाए ।

कोलकाताका लागि सुनिल नारायणले ३ तथा सुयश शर्माले १ विकेट लिएा थिए ।

तेस्रो खेलमा दोस्रो जित निकालेको कोलकत्ता ४ अंकका साथ दोस्रो स्थानमा रहेको छ । 

समान खेलमा समान जित हात पारेको गुजरात ४ अंकका साथ चौथो स्थानमा रहेको छ । अंक समान भए पनि उ कोलकाता लखनायऊ सुपर जायन्टभन्दा नेट रनरेटमा पछि छ ।