काठमाडौँ– सनराइजर्स हैदराबादले जारुी इन्डियन प्रिमियर लिग (आइपिएल)मा पहिलो जित निकाल्दा पञ्जाब किंग्सले भने पहिलो हार ब्यहोरेको छ ।
हैदराबादले आफ्नो तेस्रो खेलमा पहिलो जित निकाल्ने क्रममा गएराति पञ्जाबलाई ८ विकेटको विशाल अन्तरले हराएको हो ।
पञ्जाबले दिएको १४४ रनको लक्ष्य हैदराबादले १७.१ ओभरमा मात्र २ विकेट गुमाउँदै पूरा गर्यो ।
हैदराबादको जितमा राहुल त्रिपाठीले अर्थशतकीय जारी खेले । उनले ४८ बलमा १० चौका र ३ छक्कासहित ७४ रन बनाए ।
यस्तै, कप्तान एइडेन माक्ररमले अविजित ३७ रन बनाए
ओपनरद्वय मायांक अग्रवालले २१ तथा ह्यारी ब्रुकले १३ रन जोडे ।
पञ्जाबका अर्शदीप सिंह र राहुल चहरले समान १-१ विकेट लिए ।
त्यसअघि टस हारेर पहिला ब्याटिङ गरेको पञ्जाबले २० ओभरमा ९ विकेट गुमाउँदै १४३ रन बनाएको थियो ।
पञ्जाबका कप्तान शिखर धवन शतक बनाउनबाट १ रनले चुके । उनले ६६ बलमा १२ चौका र ५ छक्कासहित अविजित ९९ रन बनाउँदै अर्धशतकीय पारी खेले पनि टोलीको जितका लागि पर्याप्त भएन ।
हैदराबादका मायांक मारकन्डेले ४ तथा उमरान मलिक, मार्को जनसनले समान २-२ विकेट लिए । भुवनेश्वर कुमारको नाममा १ विकेट रह्यो ।
तेस्रो खेलमा पहिलो जित हात पारेको हैदराबाद २ अंकका साथ लिगको आठौँ स्थानमा रहेको छ ।
हारका बाबजुद पञ्जाब भने तीन खेलमा दुई जित र एक हारका साथ ४ अंकमा रहेर छैटौँ स्थानमा छ । जारी लिगमा पञ्जाबको पहिलो हार हो ।
गएराति नै भएको अर्को खेलका कोलकाता नाइट राइडर्सले गुजरात टाइटन्सलाई हराएको थियो ।
